రియాపై మీడియా విచారణ హద్దులు దాటింది : ఇమ్రాన్ హస్మి

దిశ, సినిమా : సుశాంత్ సింగ్ రాజ్‌పుత్ గర్ల్ ఫ్రెండ్, రియా చక్రవర్తి పట్ల మీడియా దారుణంగా ప్రవర్తించిందని అభిప్రాయపడ్డాడు ఇమ్రాన్ హస్మి. ప్రజెంట్ ‘చెహ్రే’ మూవీ ప్రమోషన్స్‌లో పాల్గొన్న ఆయన. మూవీ కోస్టార్ రియాకు సపోర్ట్ చేశాడు. సుశాంత్ కేసులో రియాపై మీడియా విచారణ హద్దులు మీరిందన్నాడు. దాదాపు ఆమె కుటుంబం మొత్తాన్ని నాశనం చేశారని, ఇది సరైనదేనా అని ప్రశ్నించాడు. కేవలం ఊహాగానాలతో మనిషిని అంచనావేయడం కరెక్ట్ కాదన్న ఇమ్రాన్. ప్రాథమిక నియమాలు పాటిస్తూ యాక్చువల్ రిపోర్టింగ్‌ చేస్తే ఈ ప్రపంచం ఒక మంచి ప్రదేశంగా మారుతుందన్నాడు. నిజానిజాలను బయటపెట్టేందుకు న్యాయవ్యవస్థ ఉందనే కామన్‌సెన్స్‌తో ఉన్నప్పుడు.. ఇలాంటి తప్పులు జరగవని, ఒకరిని దోషిగా నిర్ధారించలేమన్నాడు. కాగా రుమీ జాఫ్రీ దర్శకత్వంలో వస్తున్న ‘చెహ్రే’ సినిమా ఆగస్టు 27న థియేటర్లలో విడుదల కానుంది.