ఆరోగ్య తెలంగాణకు కృషి.. గెజిటెడ్ ​అధికారుల సంఘం పిలుపు

దిశ, తెలంగాణ బ్యూరో: ఆరోగ్య తెలంగాణ కోసం ప్రతిఒక్కరూ కృషి చేయాలని హెల్త్​ గెజిటెడ్​ అధికారుల సంఘం పిలుపునిచ్చింది. వైద్యశాఖలో పనిచేసే హెచ్​ఓడీల నుంచి కింది స్థాయి కేటగిరీ వరకు రెట్టింపు స్థాయి ఉత్సాహంతో పనిచేస్తే రాష్ట్రం ఆరోగ్యవంతంగా మారుతుందని ఆ సంఘం నాయకులు గురువారం ఓ ప్రకటనలో పేర్కొన్నారు. ఈ సందర్భంగా అధ్యక్షులు జూపల్లి రాజేందర్​ మాట్లాడుతూ.. రాష్ట్రంలో కొత్త మెడికల్​ కాలేజీలు, మౌలిక వసతులు మెరుగుపరిచేందుకు పది వేల కోట్ల బడ్జెట్​ను కేటాయించినందుకు సీఎం కేసీఆర్​, మత్రి హరీష్​రావులకు ఆయన కృతజ్ఞతలు తెలిపారు.

అయితే గెజిటెడ్​ అధికారులకు కొన్ని సమస్యలు ఉన్నాయని, వాటిని పరిష్కరించాల్సిందిగా మంత్రి హరీష్​రావుకు వినతి పత్రాన్ని అందచేసినట్లు పేర్కొన్నారు. ఈ కార్యక్రమంలో కార్యదర్శి ఎండీ ఖలీముద్దీన్​, అసోసియేటెడ్​ అధ్యక్షులు ఎస్​ రామాంజనేయులు, కోశాధికారి కె శ్రీనివాసులు, పూజల చంద్రశేఖర్​రావు, వసంతరావు, విజయ్​కుమార్​, మహమ్మద్​ మనోద్దీన్​ తదితరులు పాల్గొన్నారు.