CUET PG 2024 పరీక్షల సిటీ ఇంటిమేషన్ స్లిప్‌ విడుదల.. ఇలా డౌన్‌లోడ్ చేసుకోండి..

దిశ, ఫీచర్స్ : నేషనల్ టెస్టింగ్ ఏజెన్సీ కామన్ యూనివర్సిటీ ఎంట్రన్స్ టెస్ట్ – పోస్ట్ గ్రాడ్యుయేట్ 2024 పరీక్షకు సంబంధించిన ఎగ్జామ్ సిటీ ఇంటిమేషన్ స్లిప్‌ను ఈ రోజు విడుదల చేయనున్నారు. దీని తర్వాత NTA అడ్మిట్ కార్డును జారీ చేస్తుంది. నమోదు చేసుకున్న అభ్యర్థులు అధికారిక వెబ్‌సైట్ pgcuet.samarth.ac.inని సందర్శించి, వారి దరఖాస్తు నంబర్, పుట్టిన తేదీ ద్వారా వెబ్‌సైట్‌లోకి లాగిన్ అయ్యి పరీక్ష నగర స్లిప్‌ను డౌన్‌లోడ్ చేసుకోవచ్చు. పరీక్ష మార్చి 11 నుంచి మార్చి 28, 2024 వరకు నిర్వహించనున్నారు.

CUET PG 2024 పరీక్షకు సంబంధించిన అడ్మిట్ కార్డ్ మార్చి 7, 2024న జారీ చేయనున్నారు. CUET PG 2024 పరీక్ష కోసం మొత్తం 4,62,589 మంది అభ్యర్థులు నమోదు చేసుకున్నారు. 157 సబ్జెక్టులకు పరీక్ష నిర్వహించనున్నారు. దేశంలోని అన్ని కేంద్ర లేదా రాష్ట్ర విశ్వవిద్యాలయాలకు CUET PG పరీక్ష తప్పనిసరి కాదు. మొదటి సంవత్సరంలో మొత్తం 66 విశ్వవిద్యాలయాలు (27 కేంద్రీయ విశ్వవిద్యాలయాలతో సహా) పరీక్షలో పాల్గొన్నాయి. ఇది రెండవ సంవత్సరం పరీక్ష అయిన 2023లో 142కి పెరిగింది. NTA వెబ్‌సైట్‌లో అందుబాటులో ఉన్న జాబితా ప్రకారం, ఈ సంఖ్య ఇప్పుడు 186 కి పెరిగింది.

పరీక్ష సిటీ స్లిప్‌ని డౌన్‌లోడ్ చేయడం ఎలా ?

pgcuet.samarth.ac.in అధికారిక వెబ్‌సైట్‌కి లాగిన్ అవ్వండి.

హోమ్ పేజీలో ఎగ్జామ్ సిటీ స్లిప్ లింక్‌ పై క్లిక్ చేయండి.

రిజిస్ట్రేషన్ నంబర్ మొదలైన వివరాలను సమర్పించండి.

ఇప్పుడు సిటీ స్లిప్ మీ స్క్రీన్‌ పై కనిపిస్తుంది.

తనిఖీ చేసి వెంటనే డౌన్‌లోడ్ చేసుకోండి.

పరీక్ష ప్రారంభానికి 30 నిమిషాల ముందు అభ్యర్థులను పరీక్షా కేంద్రంలోకి అనుమతించనున్నారు. పరీక్షా కేంద్రంలో బయోమెట్రిక్‌లు, అడ్మిట్ కార్డ్ క్రాస్ చెక్, సంతకం, ఫోటో మ్యాచింగ్, చెల్లుబాటు అయ్యే గుర్తింపు కార్డును తనిఖీ చేసిన తర్వాత మాత్రమే ప్రవేశానికి అనుమతిస్తారు.

ఇంతకుముందు 120 నిమిషాలు ఉన్న CUET PG పరీక్ష వ్యవధి ఇప్పుడు 105 నిమిషాలకు తగ్గించారు. CUET PG పరీక్ష 2024 మూడు షిఫ్టులలో నిర్వహించనున్నారు. మొదటి షిప్టు ఉదయం 9 గంటల నుంచి 10:45 గంటల వరకు, రెండో, మూడో షిప్టులు మధ్యాహ్నం 12:45 నుంచి 2:30 గంటల వరకు, సాయంత్రం 4:30 నుంచి 6:15 గంటల వరకు నిర్వహిస్తారు. గత సంవత్సరం మొత్తం 8,76,908 మంది అభ్యర్థులు పరీక్ష కోసం నమోదు చేసుకున్నారు. భారతదేశంలోని 295 నగరాల్లో, విదేశాలలో 24 నగరాల్లో పరీక్ష నిర్వహించారు.