మహేష్ ఫ్యాన్స్‌కు బిగ్ షాక్.. ఆ కాంబో డౌటే..?
దిశ, వెబ్‌డెస్క్: సూపర్ స్టార్ మహేష్ ఫ్యాన్స్‌కి బిగ్ షాక్ తగిలిందనే చెప్పాలి. వారు ఎంతో కాలంగా ఎదురుచూస్తున్న కాంబోల్లో మహేష్-త్రివిక్రమ్, మహేష్-రాజమౌళి రెండు టాప్‌లో ఉంటాయి. ఈ కాంబోల్లో సినిమా రావాలని వారు ఎంతగానో కోరుకుంటున్నారు. అదే విధంగా ఈ రెండు కాంబోలు కూడా సినిమాలు చేసేందుకు సిద్దమయ్యాయి. కానీ ప్రస్తుతం వీరు ముగ్గురూ తమ తమ సినిమాలతో బిజీగా ఉన్నారు. మహేష్ తన తాజా సినిమా ‘సర్కారు వారి పాట’తో ఫుల్ బిజీగా ఉన్నాడు.
ఈ సినిమా తర్వాత త్రివిక్రమ్, రాజమౌళి సినిమాల్లో ఒకటి స్టార్ట్ చేయనున్నడాని తెలిపారు. ఇటీవల ‘సర్కారు వారి పాట’ తర్వాత మహేష్-త్రివిక్రమ్ కాంబో సినిమా పట్టాలెక్కనుందని టాక్ వినిపించింది. అయితే తాజాగా అసలు ఈ కాంబో వస్తుందా అన్న అనుమానాలు వ్యక్తం అవుతున్నాయి. ఈ సినిమాను వచ్చే ఏడాది ఫిబ్రవరి నుంచి ప్రారంభించాలని అనుకున్నారట. కానీ ప్రస్తుతం మహేష్ సర్జరీ కారణంగా ‘సర్కారు వారి పాట’ ఆలస్యం అయింది. ఈ సినిమా పూర్తయ్యేందుకు ఫిబ్రవరి అవుతుందని టాక్ వస్తోంది. ఆ తర్వాత సినిమా ప్రమోషన్స్‌లో మహేష్ ఫుల్ బిజీ అవుతాడు.
సినిమా విడుదల తర్వాత విశ్రాంతి తీసుకోవాలని కూడా మహేష్ ప్లాన్ చేస్తున్నాడట. దీంతో మహేష్-త్రివిక్రమ్ కాంబోపై సందేహాలు పెరుగుతున్నాయి. దానికితోడు అప్పటికి ‘ఆర్ఆర్ఆర్’ పూర్తి కావడంతో రాజమౌళి మహేష్ సినిమాపై కసరత్తు ప్రారంభిస్తాడు. దాంతో మహేష్-రాజమౌళి కాంబో పట్టాలెక్కే అవకాశం ఉంది. ఈ క్రమంలో మహేష్-త్రివిక్రమ్ కాంబో 2023కి రావచ్చని సినీ సర్కిల్స్‌లో గుసగుసలు వినిపిస్తున్నాయి. మరి దీనిపై త్వరలో ఏమైనా క్లారిటీ వస్తుందేమో వేచి చూడాలి.
సూర్యుడిపై భారత సైంటిస్టుల ప్రయోగాలు.. కీలక విషయాలు వెల్లడి
- Tags
- mahesh
