రంగారెడ్డిలో వలస కార్మికులకు నగదు పంపిణీ

దిశ, రంగారెడ్డి: లాక్‎డౌన్ నేపథ్యంలో వలస కూలీలకు ఒక్కొక్కరికి రూ.500 నగదును ఇవ్వాలని రాష్ట్ర ప్రభుత్వం నిర్ణయించిన విషయం తెలిసిందే. ఈ మేరకు రంగారెడ్డి జిల్లాలో పంపిణీ చేసేందుకు రూ.1,89,47,000 నగదును ఆర్దీఓలకు విడుదల చేస్తూ జిల్లా కలెక్టర్ అమోయ్ కుమార్ ఉత్తర్వులు జారీచేశారు. జిల్లాలోని 37 వేల 894 మంది వలస కార్మికులు ఉన్నట్టు గుర్తించామన్నారు. జిల్లాలోని ఐదు రెవెన్యూ డివిజన్‎లకు వలస కార్మికుల జాబితాను అనుసరించి నగదు పంపిణీ చేయడానికి మార్చి 31న నిధులను విడుదల చేశారు. ఈ నేపథ్యంలో శుక్రవారం ఆయా ప్రాంతాల్లోని వలస కార్మికులకు నగదు పంపిణీ చేశారు.

Tags: Distribution, cash, migrant workers, rangareddy