‘మహిళల ఫిగర్ 8 అంకెలా ఉండాలి.. పీపాలా కాదు’

దిశ, వెబ్ డెస్క్ : తమిళనాడు ఎన్నికల ప్రచారం జోరుగా సాగుతుంది. ఈ నేపథ్యంలో డీఎంకే తరుపున బరిలోకి దిగిన దిండిగల్ ఐ లియోనీ కోయంబత్తూరు ర్యాలీలో మహిళల శరీర ఆకృతిపై వివాదాస్పద వ్యాఖ్యలు చేశారు. ‘‘మహిళలు తమ శరీర ఆకృతిని కోల్పోతున్నారని, విదేశీ ఆవుల పాలు తాగడం వల్ల బరువు పెరిగిపోయి బెలూన్‌లా తయారవుతున్నారు. గతంలో మహిళల ఫిగర్ 8 అంకెలా ఉండేది. కానీ వారిప్పుడు పీపాల్లా తయారయ్యారు. మన పిల్లలు కూడా లావైపోతున్నారు’’ అని అన్నారు.
లియోనీ వ్యాఖ్యలపై మహిళలు మండిపడుతున్నారు. లియోనీపై కఠిన చర్యలు తీసుకోవాలని పార్టీ మహిళా నేత, ఎంపీ కనిమొళిని డిమాండ్ చేస్తున్నారు.