Skanda Sashti: సంతానం లేని వారు స్కంద షష్ఠి రోజున కార్తికేయుడిని పూజించండి!

దిశ, వెబ్ డెస్క్ : శివపార్వతులకు పుట్టిన చిన్న కుమారుడిని కుమార స్వామిగా ( kumaraswamy )పిలుస్తుంటాము. ఈ స్వామి వారికీ అనేక రకాల పేర్లు ఉన్నాయి. మురుగన్, కార్తీకేయ, స్కందుడు, షణ్ముఖుడు లాంటి పేర్లతో భక్తులు పిలుస్తుంటారు. అయితే.. హిందూ సాంప్రదాయ ప్రకారం, కార్తికేయుడి జన్మతిథిని స్కంద షష్ఠి పండుగగా జరుపుకుంటారు.

ఈ రోజున స్కందుడుకి కొన్ని పూజలు , పరిహారాలు చేస్తే కాలసర్పదోషాల నుంచి బయట పడతారని చెబుతున్నారు. కొత్త ఏడాది ప్రారంభమయ్యి రెండో రోజు కూడా వచ్చింది. జనవరి నెల 5వ తేదీన స్కంద షష్ఠి వస్తుంది. ఈ రోజున కార్తీకేయుకుడికి పూజలు, అభిషేకాలు చేస్తే మంచిదని జ్యోతిష్యలు చెబుతున్నారు.

ముఖ్యంగా, సంతానం లేని వారు, రాహు, కేతుల దోషాలున్నవారు.. ఈ రోజున నాగ ప్రతిష్ట చేయిస్తే ఆ దోషాల నుంచి విముక్తి పొందుతారు. కార్తీకేయుకుడు అనుగ్రహాం కోసం.. జనవరి 5 ఆదివారం ఉదయం తల స్నానం చేసి, కొత్త బట్టలు వేసుకుని గుడికి వెళ్ళాలి. జంటనాగుల ఉన్న చోట.. పాలు, పెరుగు, తేనె, చక్కెర, నెయ్యితో అభిషేకం చేయాలనీ పండితులు చెబుతున్నారు.

గమనిక: ఇక్కడ అందించిన సమాచారం ఇంటర్నెట్ నుంచి తీసుకోబడింది. ఈ సమాచారాన్ని పరిగణనలోకి తీసుకునే ముందు జ్యోతిష్యులను సంప్రదించి పూర్తి వివరాలు తెలుసుకోగలరు. ‘దిశ’ ఈ విషయాలను దృవీకరించడం లేదు.