గ్రీన్ ఇండియా ఛాలెంజ్‌ను స్వీకరించిన దేతడి హారిక
దిశ ప్ర‌తినిధి ,హైదరాబాద్: రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్‌లో భాగంగా బిగ్ బాస్ షో 4 విజేత అభిజిత్ ఇచ్చిన ఛాలెంజ్‌ను దేతడి హారిక సోమవారం స్వీకరించారు. ఈ మేరకు జూబ్లీహిల్స్‌లోని పార్కులో మొక్కలు నాటారు. ఈ సందర్భంగా హారిక మాట్లాడుతూ… గతంలో కూడా తాను గ్రీన్ ఇండియా ఛాలెంజ్‌లో భాగంగా మొక్కలు నాటానని తెలిపింది.
ఇప్పుడు మరో మారు మొక్కలు నాట‌డం చాలా ఆనందంగా ఉందని అన్నారు. పచ్చదనం పెంపు , వాతావరణ కాలుష్యం తగ్గించడం కోసం గ్రీన్ ఇండియా ఛాలెంజ్ కార్యక్రమాన్ని చేపట్టి ముందుకు తీసుకుపోతున్న రాజ్యసభ సభ్యులు జోగినిపల్లి సంతోష్ కుమార్, ఆయ‌న గ్రూపు సభ్యులకు అభినందనలు తెలిపారు. ఈ చాలెంజ్ ఇదే విధంగా ముందుకు కొనసాగాలని.. ఇందులో భాగంగా త‌న మిత్రుడు నటుడు నోయెల్ సేన్, బిగ్ బాస్ 2 ఫేం దీప్తి సునైనాలను గ్రీన్ ఇండియా ఛాలెంజ్ విసిరారు.
