పాము విషంతో బిగ్‌బాస్ కంటెస్టెంట్ రేవ్ పార్టీ.. అర్ధరాత్రి బయటపడ్డ బాగోతం
దిశ, వెబ్‌డెస్క్: కాస్తా స్టార్ డమ్ వస్తే చాలు.. పబ్‌లు.. రేవ్ పార్టీలు.. డేటింగ్.. లాంగ్ డ్రైవ్ అంటూ జల్సాలు చేస్తుంటారు సెలబ్రిటీస్. అయితే ఏది చేసిన పరిమితంగా చేస్తే ఎవరికీ ఇబ్బంది లేదు కానీ శృతిమించితే బజారున పడటం ఖాయం. ఇలాగే జరిగింది బిగ్ బాస్ కంటెస్టెంట్‌కు. హద్దులు మీరి అక్రమంగా ఏర్పాటు చేసిన రేవ్ పార్టీతో వార్తలో నిలిచారు ఎల్విశ్ యాదవ్.
ఎల్విశ్ యాదవ్ ప్రముఖ యూట్యాబర్. బిగ్ బాస్ ఓటీటీ సీజన్ 2 (హిందీ) విజేత. గత రాత్రి నోయిడా సెక్టార్ 49లో పాము విషంతో రేవ్ పార్టీ ఏర్పాటు చేశారని పీపుల్ ఫర్ యానిమల్స్ సంస్థ పోలీసులకు ఫిర్యాదు చేసింది. వెంటనే రంగంలోకి దిగిన పోలీసులు రేవ్ పార్టీ జరుగుతున్న ప్రాంతానికి వెళ్లగా.. ముందే సమాచారం అందుకున్న నిర్వహకులు అక్కడి నుంచి పరారీ అయ్యారు. సంఘటన స్థలంలో 9 పాములు, 20 మిల్లీ లీటర్ల పాము విషాన్ని పోలీసులు స్వాధీనం చేసుకున్నారు. అలాగే పార్టీలో ఉన్న ఐదుగురు వ్యక్తులను అరెస్ట్ చేశారు. వారిని ప్రశ్నించగా ఎల్విశ్ యాదవ్ పేరు బయటకు వచ్చింది. రేవ్ పార్టీలకు అతడే పాములను, వాటి విషాన్ని సరఫరా చేస్తాడని, ఈ పార్టీకి కూడా అతడే సమకూర్చడని తేలింది. పోలీసులు వస్తున్నారని సమాచారం అందటంతోనే ఎల్విశ్ యాదవ్ ఇక్కడి నుంచి పరారీ అయ్యాడని తెలిపారు. వారిచ్చిన సమాచారం ఆధారంగా ఎల్విశ్ యాదవ్‌పై కేసు నమోదు చేసి అతడి కోసం గాలింపు చర్యలు చేపట్టినట్టు నోయిడా పోలీసులు తెలిపారు.
