స్నేహితురాలి పెళ్లికి వచ్చి అనంతలోకాలకి..

దిశ, మర్రిగూడ : శుభకార్యానికి వచ్చి కాలువలో పడి ఈత రాక వరంగల్ కు చెందిన యువకుడు గురువారం ఉదయం మృతి చెందాడు. ఈ సంఘటన మర్రిగూడ పోలీస్ స్టేషన్ పరిధిలో చోటు చేసుకుంది. పూర్తి వివరాల్లోకెళితే మండలంలోని రామ్ రెడ్డి పల్లి గ్రామంలో ఓ శుభకార్యానికి వరంగల్ కు చెందిన బాలచందర్ (25) అనే సాఫ్ట్ వేరు ఉద్యోగి వచ్చాడు. 8 మంది స్నేహితులతో హైదరాబాద్ నుంచి వచ్చిన బాలచందర్ స్నానం చేయడానికి వెళ్లాడు. ప్రమాదవశాత్తు కాలుజారి కాలువలో పడిన బాలచందర్ కి ఈత రాకపోవడంతో మృతి చెందాడు. మృతుడు బాలచందర్ తల్లి తండ్రి చిన్నప్పుడే మృతి చెందినట్లు స్నేహితులు తెలిపారు. ఘటనా స్థలానికి మర్రిగూడ ఎస్సై కే.రంగారెడ్డి చేరుకొని మృతదేహాన్ని పోస్టుమార్టం నిమిత్తం దేవరకొండ ప్రభుత్వాసుపత్రికి తరలించి కేసు నమోదు చేసి దర్యాప్తు చేస్తున్నారు.