కారు ఢీకొని రెండేళ్ల పసిపాప అక్కడికక్కడే మృతి

దిశ, మీర్ పేట్: కారు ఢీ కొని రోడ్డుపై ఆడుకుంటున్న 2 సంవత్సరాల పాప అక్కడికక్కడే మృతి చెందింది. ఈ ఘటన మీర్ పేట్ పోలీస్ స్టేషన్ పరిధిలోని చోటుచేసుకుంది. ఎస్ఐ రాజశేఖర్ తెలిపిన వివరాల ప్రకారం..వినుకొండ జిల్లా ఆంధ్ర ప్రదేశ్ రాష్ట్రానికి చెందిన బాల వెంకమ్మ చిన్న తిరుపతయ్య దంపతుల కు ఒక కుమారుడు, ఇద్దరు కుమార్తెలు వీరు స్థానిక పోలీస్ స్టేషన్ పరిధిలోని భూపేష్ గుప్తా నగర్ లో నివాసం ఉంటూ జీవనం కొనసాగిస్తున్నారు. సోమవారం సాయంత్రం సుమారు 4 గంటల సమయంలో కాలనీ లోని రోడ్డు పై ఆడుకుంటున్న మూడో పాపను కారు ఢీకొనడంతో అక్కడికక్కడే మృతి చెందింది. ప్రమాదానికి కారణమైన వ్యక్తి పారిపోతుండగా స్థానికులు పట్టుకొని పోలీసులకు అప్పగించారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించామని కేసు నమోదు చేసుకుని దర్యాప్తు చేస్తున్నట్లు ఈ ప్రమాదానికి డ్రైవర్ నిర్లక్ష్యమే కారణమని ఎస్సై తెలిపారు.