రూ. 2.80 కోట్ల విలువైన గంజాయి దహనం

దిశ, భద్రాచలం : రూ.2.80 కోట్ల విలువ చేసే 1132 కిలోల గంజాయిని శుక్రవారం దహనం చేశారు. భద్రాచలం ఎక్సైజ్‌ పోలీస్‌ స్టేషన్‌ పరిధిలోని 10 కేసుల్లో పట్టుబడిన గంజాయిని తల్లాడ మండలం గోపాల్‌పేట్‌ దహన కేంద్రంలో దహనం చేశారు. డిస్పోజల్‌ కమిటీ అధికారి, డిప్యూటీ కమిషనర్‌ జి. జనార్ధన్‌రెడ్డి ఆదేశాల మేరకు భద్రాచలం ఎక్సైజ్‌ పోలీస్‌ పరిధిలోని పది కేసుల్లోని 1132 కిలోల గంజాయిని కాల్చివేతకు అనుమతి ఇచ్చారు. ఈ మేరకు గంజాయిని దహనం చేశారు. ఈ కార్యక్రమంలో ఖమ్మం డిప్యూటీ కమిషనర్‌ జి .జనార్ధన్‌రెడ్డి, అసిస్టెంట్‌ కమిషనర్‌ జి. గణేష్‌, భద్రాది కొత్తగూడెం ఎక్సైజ్‌ సూపరింటెండెంట్‌ జానయ్య, భద్రాచలం ఎక్సైజ్‌ పోలీస్‌ స్టేషన్‌ సీఐ రహీమ్‌ ఉన్నీషా బేగం పాల్గొన్నారు.