కీసర ఓఆర్ఆర్ పై రోడ్డు ప్రమాదం... ఒకరు మృతి

దిశ, కీసర : కీసర ఓఆర్ఆర్ పై ఘోర రోడ్డు ప్రమాదం చోటుచేసుకుంది. ఈ ప్రమాదంలో ఒకరు మృతి చెందగా ఇద్దరికి గాయాలయ్యాయి. సీఐ వెంకటయ్య తెలిపిన వివరాల ప్రకారం.. రాజన్న సిరిసిల్ల జిల్లా వేములవాడ మండలం లింగంపల్లి గ్రామానికి చెందిన కొలిపలక సుమన్ (32) భార్య రోషిణి (23), కుమార్తె వైష్ణవి(2) తో కలిసి ఉప్పల్ భగాయత్ లో ఉంటూ గచ్చిబౌలిలోని ఓ బ్యాంక్ లో ఉద్యోగం చేస్తూ జీవనం సాగిస్తున్నారు.

బుధవారం తన స్వస్థలమైన లింగంపల్లి నుండి ఉప్పల్ కి వస్తుండగా కీసర ఔటర్ రింగ్ రోడ్డుపై మైల్ స్టోన్ 78 వద్ద ముందు వెళ్తున్న గుర్తు తెలియని వాహనాన్ని డీకొట్టారు. ఈ ప్రమాదంలో రోషిణి దవడకు గాయాలై తీవ్ర రక్త స్రావమైంది. దీంతో తీవ్ర గాయాలైన రోషిణిని అంబులెన్సులో నారాపల్లిలోని ప్రైవేట్ ఆసుపత్రికి తరలించారు. వైద్య పరీక్షలు నిర్వహించిన డాక్టర్ అప్పటికే మృతి చెందినట్లు నిర్దారించారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.