రోడ్డు ప్రమాదంలో ఫోటోగ్రాఫర్ మృతి

దిశ,నల్లబెల్లి: రోడ్డు ప్రమాదంలో ఫోటోగ్రాఫర్ మృతి చెందిన సంఘటన బుధవారంచోటుచేసుకుంది. పోలీసులు తెలిపిన వివరాల ప్రకారం దుగ్గొండి మండలం మల్లంపల్లి గ్రామానికి చెందిన అర్షం రాజేష్ (27)అతని స్నేహితుడు మంద సాయిరాం ద్విచక్ర వాహనంపై ములుగు జిల్లా కేంద్రానికి వెళ్లి తిరిగి వస్తున్న క్రమంలో బొల్లంపల్లి గ్రామ శివారు జాతీయ రహదారి 365 పై ఆగి ఉన్న డీసీఎం వాహనాన్ని ఢీ కొట్టారు. ఈ ప్రమాదంలో సాయిరాం కి తీవ్ర గాయాలు తగలగా రాజేష్ అక్కడికక్కడే మరణించినట్లు తెలిపారు. గాయపడిన సాయిరాం ను చికిత్స నిమిత్తం వరంగల్ ఎంజీఎం ఆస్పత్రికి తరలించారు. మృతుడి అన్న రాకేష్ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు స్థానిక ఎస్సై ప్రశాంత్ బాబు తెలిపారు.