గంజాయి అమ్ముతున్న వ్యక్తి అరెస్ట్

దిశ,ఉప్పల్ : మల్కాజిగిరి డీపీఈఓ సూచనల మేరకు ఉప్పల్ ఎక్సైజ్ అధికారులు శనివారం గంజాయి అమ్ముతున్న వ్యక్తిని పట్టుకున్నారు. ఉప్పల్ ఎక్సైజ్ ఇన్స్పెక్టర్ ఓంకార్ తెలిపిన విరాల ప్రకారం ఉప్పల్ కు చెందిన విజయ కుమార్ ఆంధ్ర, ఒరిస్సా బోర్డర్లో నుంచి గంజాయిని తక్కువ ధరకు కొనుగోలు చేసి హైదారాబాద్ లో అవసరమైన వారికి ఎక్కువ ధరకు అమ్ముతున్నాడని విశ్వసనీయమైన సమాచారం మేరకు నిందితుడిని పట్టుకున్నారు. అతని వద్ద నుంచి 1.2 కిలోల గంజాయిని స్వాధీనం చేసుకుని కేసు నమోదు చేశామని ఎక్సైజ్ ఇన్స్పెక్టర్ తెలిపారు. ఈ కేసులో ఎక్సైజ్ సబ్ ఇన్స్పెక్టర్లు శ్రీనివాసులు, నరేష్ రెడ్డి ఎక్సైజ్ సిబ్బంది తదితరులు పాల్గొన్నారు.