రోడ్డు ప్రమాదంలో వ్యక్తి మృతి..

దిశ, కొత్తకోట : రోడ్డు ప్రమాదంలో వ్యక్తి మృతి చెందిన సంఘటన బుధవారం రాత్రి 10 గంటలకు నేషనల్ హైవే పై చోటు చేసుకుంది. పోలీసులు తెలిపిన వివరాల ప్రకారం కొత్తకోట మండలం అముడబాకుల గ్రామానికి చెందిన శివకుమార్ (25) అత్తగారి ఊరైన పామపురం గ్రామానికి ద్విచక్రవాహనం పై బయలుదేరాడు. ముమ్మళ్ళపల్లి గ్రామ సమీపంలో హైవేపై గుర్తు తెలియని వాహనం ఢీ కొనడంతో శివకుమార్ అక్కడికక్కడే మృతి చెందాడని, ఇతనికి భార్య శిరీష, ఇద్దరు పిల్లలు ఉన్నట్లు పోలీసులు చెప్పారు. మృతిని తల్లిదండ్రుల ఫిర్యాదు మేరకు కేసు నమోదు చేసి దర్యాప్తు చేస్తున్నామని ఎస్సై మంజునాథ రెడ్డి తెలిపారు.