Accident : రోడ్డు ప్రమాదంలో ఒకరి మృతి మరొకరికి తీవ్ర గాయాలు

దిశ, గుడిహత్నూర్: జాతీయ రహదారిపై మంగళవారం రోడ్డు ప్రమాదం సంభవించడంతో భార్య మృతి చెందగా భర్తకు తీవ్ర గాయాలయ్యాయి. ఎస్సై సయ్యద్ ఇమ్రాన్ తెలిపిన వివరాల ప్రకారం… ఇచ్చోడ మండలం కోకస్ మన్నూర్ గ్రామానికి చెందిన జాదవ్ మధుకర్, రమ్యకృష్ణ దంపతులు తమ ద్విచక్ర వాహనంపై కోకస్ మన్నూర్ నుండి ఆదిలాబాద్ వెళ్తున్నారు. వారి ద్విచక్ర వాహనాన్ని కారు వెనుక నుంచి ఢీకొట్టింది. తీవ్ర గాయాలు కావడంతో పోలీసులు అంబులెన్స్ లో చికిత్స నిమిత్తం ఆదిలాబాద్ లోని రిమ్స్ ఆసుపత్రికి తరలిస్తుండగా మధుకర్ భార్య మార్గమధ్యంలో మృతి చెందింది. అతనికి తీవ్ర గాయాలు కావడంతో రిమ్స్ ఆసుపత్రికి తరలించారు. కుటుంబ సభ్యుల ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని ఎస్సై సయ్యద్ ఇమ్రాన్ పేర్కొన్నారు.