Crime News:హైదరాబాద్‌లో టెన్త్ క్లాస్ విద్యార్థినిపై గ్యాంగ్ రేప్..
దిశ, అబ్దుల్లాపూర్ మెట్: హైదరాబాద్ లో టెన్త్ క్లాస్ విద్యార్థినిపై సహచర విద్యార్థులు గ్యాంగ్ రేప్ చేశారు. రంగారెడ్డి జిల్లా అబ్దుల్లాపూర్ మెట్ మండలం పెద్ద అంబర్ పేట మున్సిపాలిటీ పరిధిలోని తట్టి అన్నారంలో ఈ దారుణ ఘటన చోటు చేసుకుంది. పోలీసులు తెలిపిన వివరాల ప్రకారం... బాధిత బాలిక గ్రామంలోని స్థానిక హై స్కూల్‌లో పదో తరగతి చదవుతోంది. ఆమెతో పాటు చదువుతున్న నలుగురు విద్యార్థులు అగస్టు 16న విద్యార్థినిపై గ్యాంగ్ రేప్ నకు పాల్పడ్డారు. అత్యాచార సమయంలో వీడియోలు చిత్రీకరించారు. ఆ వీడియోలను సోషల్ మీడియాలో షేర్ చేస్తామని బెదిరించి బాలికపై పలుమార్లు అఘాయిత్యానికి పాల్పడ్డారు. ఆ వీడియోలను నిందితులు పరస్పరం షేర్ చేసుకున్నారు. ఇటీవల కుటుంబ సభ్యులు, బాలికను బెదిరించడం ప్రారంభించారు. నిందితుల వేధింపులు భరించలేక బాలిక కుటుంబసభ్యులు పోలీసులను ఆశ్రయించారు. యువకులంతా ఒకే కాలనీకి చెందినవారని, ఒకే తరగతి కావడంతో బాలిక సన్నిహితంగా మెలిగింది. ఇదే అదనుగా భావించి నిందితులు బాలికపై ఈ అఘాయిత్యానికి పాల్పడినట్లు సమాచారం. ఈ అత్యాచార ఘటనలో తొమ్మిదవ తరగతి విద్యార్థి ఉన్నట్లు తెలుస్తోంది. పోలీసులు కేసు నమోదు చేసుకుని దర్యాప్తు చేస్తున్నారు. సెల్ ఫోన్లలో అశ్లీల చిత్రాలు చూసి ఈ ఘటనకు పాల్పడినట్లు పోలీసులు అనుమానిస్తున్నారు. నిందితులపై అత్యాచారం, ఫోక్సో కేసును పోలీసులు నమోదు చేశారు.
ఇవి కూడా చదవండి : డాన్స్ క్లాస్‌కి వెళ్లిన మైనర్ బాలిక అదృశ్యం.. అతడిపైనే అనుమానం
