ఘోర రోడ్డు ప్రమాదం…కారు బైక్ ఢీకొనడంతో ఇద్దరు మృతి

దిశ, పెద్దవంగర : మహబూబాబాద్ జిల్లా పెద్దవంగర మండలంలో ఘోర రోడ్డు ప్రమాదం జరిగింది. ఈ ఘటనలో ఒకే కుటుంబానికి చెందిన ఇద్దరు ప్రాణాలు కోల్పోయారు. తల్లి కొడుకు మృతి చెందారు. మండల పరిధిలోని వడ్డే కొత్తపల్లి గ్రామ శివారులో ఈ దుర్ఘటన చోటుచేసుకుంది. స్థానికులు తెలిపిన వివరాల ప్రకారం..గట్లకుంట గ్రామ శివారు అమర్సింగ్ తండా కు చెందిన జాటోత్ వెంకన్న, శాంతమ్మ ఇద్దరు ద్విచక్ర వాహనంపై ఫంక్షన్ కు వెళ్లి వస్తున్నా క్రమంలో ఎదురుగా వేగంగా వస్తున్న కారు బైక్‌ను వేగంగా ఢీకొట్టడంతో బైక్‌పై ఉన్న ఇద్దరు అక్కడిక్కడే ప్రాణాలు కోల్పోయారు. ఒకే కుటుంబంలో ఇద్దరు మృతి చెందడంతో తండాలో విషాదఛాయలు అలుముకున్నాయి.