Road Accident:రోడ్డు ప్రమాదంలో కాంట్రాక్టు కార్మికుడి మృతి
దిశ, గాజువాక: స్టీల్ ప్లాంట్ ఈ డి వర్క్స్ వద్ద బుధవారం జరిగిన రోడ్డు ప్రమాదంలో బియ్యపు ఉపమాక(53) అనే కాంట్రాక్టు కార్మికుడు మృతి చెందాడు. స్టీల్ ప్లాంట్ పోలీసులు తెలిపిన వివరాల ప్రకారం.. ఉక్కు ఈ డి వర్క్స్ బిల్డింగ్‌లో విధులు నిర్వహిస్తున్న ఉపమాక బుధవారం విధులకు హాజరు కావడానికి వెళుతుండగా అటువైపుగా వస్తున్న స్టీల్ ప్లాంట్ ఉన్నత అధికారి కారు ఢీకొనడంతో తీవ్ర గాయాల పాలయ్యారని పోలీసులు తెలిపారు. అనంతరం నగరంలోని కిమ్స్ ఆసుపత్రిలో చేర్చి చికిత్స అందిస్తుండగా మధ్యాహ్నం మృతి చెందాడు. వడ్లపూడి కాలనీలో నివాసం ఉంటున్న ఉపమాక వెంకన్న అనే కాంట్రాక్టర్ వద్ద పని చేస్తున్నారు. స్టీల్ ప్లాంట్ పోలీసులు కేసు నమోదు చేసుకుని దర్యాప్తు చేపట్టారు. కాగా..కార్మిక సంఘాల నేతలు మాట్లాడుతూ బాధితుడికి 11 లక్షల రూపాయల నష్టపరిహారం పీ ఎఫ్ వంటి మృతుడి కుటుంబ సభ్యులకు అందజేస్తామని తెలిపారు.
