AP News:కానిస్టేబుల్ ఈవెంట్స్‌లో తీవ్ర విషాదం
దిశ,వెబ్‌డెస్క్: ఆంధ్రప్రదేశ్‌లో కానిస్టేబుల్ అభ్యర్థులకు స్టేజ్-2 PMT/PET పరీక్షల (దేహదారుఢ్య పరీక్షలు) డిసెంబర్‌ 30వ తేదీ నుంచి ఫిబ్రవరి 1వ తేదీ వరకు ఉమ్మడి 13 జిల్లా కేంద్రాల్లో ఫిజికల్ టెస్టులు నిర్వహించడం జరుగుతుంది. ఈ నేపథ్యంలో కానిస్టేబుల్ ఫిజికల్ టెస్టు(Constable Physical Tests)లకు సంబంధించిన ఈవెంట్స్ ఇప్పటికే ప్రారంభమైన విషయం తెలిసిందే. వివరాల్లోకి వెళితే.. కృష్ణా జిల్లా(Krishna District)లో నిర్వహించిన పోలీస్ ఫిజికల్ టెస్టులో తీవ్ర విషాదం చోటుచేసుకుంది. మచిలీపట్నంలో నిర్వహించిన పరుగు పందెంలో ఓ యువకుడు దుర్మరణం పాలయ్యాడు. ఎన్టీఆర్ జిల్లా ఏ.కొండూరుకు చెందిన దారావత్తు చంద్రశేఖర్(25) 1600 మీటర్ల పరుగు పందెంలో పాల్గొన్నారు. అనంతరం తీవ్ర అస్వస్థతకు గురై సొమ్మసిల్లి పడిపోయాడు. వెంటనే ప్రభుత్వ ఆసుపత్రికి తరలించగా అక్కడ చికిత్స పొందుతూ మృతి చెందాడు.
