తాళం వేసిన ఇంట్లో చోరీ
దిశ, ఖానాపూర్ : నిర్మల్ జిల్లా ఖానాపూర్ పట్టణంలో తాళం వేసిన ఇంట్లో చోరీ చేశారు. ఖానాపూర్ ఎస్ఐ జి.రాహుల్ గైక్వాడ్ తెలిపిన వివరాల ప్రకారం పట్టణంలోని విద్యానగర్ కాలనీలో నివాసం ఉంటున్న ముక్కెర రాజేశ్వర్ గౌడ్ తన ఇంటి పై భాగం పోర్షన్లోని గదికి తాళం వేసి కింది గదిలో పడుకున్నాడు. శుక్రవారం రాత్రి గుర్తు తెలియని వ్యక్తులు ఇంటి తాళంను పగలగొట్టి ఇంట్లోకి చొరబడి దొంగతనం చేశారు.
ఇంట్లో ఉన్న పర్సులోని నగదు పది వేల రూపాయలను, తన కొడుకుకు సంబంధించిన ఇతర కార్డులను దొంగిలించారు. అదే కాలనీలోని కొంత దూరంలో ఉన్న మరి కొన్ని ఇళ్లలో చొరబడినా వారికి ఎటువంటి విలువైన వస్తువులు, డబ్బు లభించలేదని తెలిసింది. రాజేశ్వర్ గౌడ్ ఇచ్చిన ఫిర్యాదు మేరకు ఎస్సై జి. రాహుల్ గైక్వాడ్ , క్లూస్ టీం కలిసి చోరీ జరిగిన ఘటనా స్థలానికి చేరుకొని పరిశీలించారు. కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
