BJP కార్యకర్త దారుణహత్య.. కొడవలితో విచక్షణారహితంగా నరికి..

దిశ, వెబ్‌డెస్క్: బొమ్మనహాల్ మండలం చంద్రగిరిలో దారుణ ఘటన జరిగింది. బీజేపీ కార్యకర్త కృష్ణమూర్తి శెట్టిని రాములు అనే వ్యక్తి వేటకొడవలితో నరికి ఘోరంగా హత్య చేశాడు. ఇరు వర్గాల మధ్య ఉన్న భూతగాదాలే ఈ హత్యకు కారణమని అనుమానాలు వ్యక్తమవుతున్నాయి. ఇక ఈ హత్యతో చంద్రగిరి ప్రాంతమంతా ఒక్కసారిగా ఉలిక్కి పడింది. స్థానిక ప్రజలు భయంతో వణికిపోతున్నారు. ఈ క్రమంలోనే ఘటన సమాచారం అందగానే ఘటనా స్థలానికి చేరుకున్న పోలీసులు మృతదేహాన్ని స్థానిక ప్రభుత్వాసుపత్రికి తరలించి గ్రామంలో ఎలాంటి అవాంఛనీయ సంఘటనలు జరగకుండా పోలీస్ పికెట్ ఏర్పాటు చేశారు.