ఉరేసుకుని వృద్ధుడు మృతి…కారణం ఏంటంటే..?

దిశ, కొండపాక :- ఓ వృద్ధుడు కడుపు నొప్పి భరించలేక ఉరేసుకుని ఆత్మహత్యకు పాల్పడిన ఘటన కుకునూర్ పల్లి పోలీస్ స్టేషన్ పరిధిలో గురువారం చోటుచేసుకుంది. కుకునూరుపల్లి ఎస్సై శ్రీనివాస్ తెలిపిన వివరాల ప్రకారం… గజ్వేల్ మండలం కొడకండ్ల గ్రామానికి చెందిన తిప్పారం పెంటయ్య(75) సంవత్సరం నుండి కడుపు నొప్పితో బాధపడుతున్నాడు. బుధవారం రాత్రి కడుపునొప్పి భరించలేక తన పొలం వద్ద చెట్టుకు ఉరేసుకుని ఆత్మహత్యకు పాల్పడ్డాడు, గురువారం అటుగా వెళ్లిన స్థానికులు పోలీసులకు సమాచారం ఇచ్చారు. కుటుంబ సభ్యులు ఫిర్యాదు మేరకు కేసు నమోదు చేసుకొని దర్యాప్తు చేపడుతున్నట్లు తెలిపారు.