ఘోర రోడ్డు ప్రమాదం....ముగ్గురు దుర్మరణం

దిశ, తిమ్మాపూర్ : కరీంనగర్ జిల్లా తిమ్మాపూర్ మండలం కొత్తపల్లి గ్రామ శివారులోని రాజీవ్ రహదారిపై శుక్రవారం రాత్రి జరిగిన రోడ్డు ప్రమాదంలో ఇద్దరు వ్యక్తులు అక్కడికక్కడే మృతి చెందగా మరో వ్యక్తి కరీంనగర్ ఆసుపత్రి లో చికిత్స పొందుతూ మృత్యువాత పడ్డాడు. మరో వ్యక్తికి తీవ్ర గాయాలయ్యాయి. స్థానికులు, పోలీసుల కథనం ప్రకారం కరీంనగర్ నుంచి హైదరాబాద్ వైపు వెళ్తున్న కారు శుక్రవారం రాత్రి కొత్తపల్లి శివారులోకి రాగానే రోడ్డు పై నడుచుకుంటూ వెళ్తున్న బీహార్ కు చెందిన ముగ్గురు వ్యక్తులను ఢీ కొని పక్కనే ఉన్న కల్వర్ట్ ను ఢీ కొట్టింది.

ఈ ప్రమాదంలో ఇద్దరు వ్యక్తులు అక్కడికక్కడే మృతి చెందగా మరొకరి తలకు తీవ్ర గాయ్యాలయ్యాయి. ఈ ప్రమాదంలో కారు నడుపుతున్న బెజ్జంకి మండల బీజేపీ మాజీ అధ్యక్షుడు వెంకట్ రెడ్డి తలకు తీవ్ర గాయాలు కాగా ఆయన కరీంనగర్ ఆసుపత్రిలో చికిత్స పొందుతూ మృతి చెందినట్లు పోలీసులు తెలిపారు. గాయపడిన మరో కూలీని చికిత్స నిమిత్తం కరీంనగర్ ఆసుపత్రికి తరలించిన పోలీసులు సంఘటనా స్థలంలో కారును రోడ్డు పై నుంచి తొలగించి ట్రాఫిక్ ను క్రమబద్దీకరించారు.