ఆర్టీసీ డ్రైవర్ పై దాడి చేసిన యువకులపై కేసు నమోదు..

దిశ, మేడిపల్లి: వరంగల్ నుంచి హైదరాబాద్ వస్తున్న బస్సు తమ కారుకు తగిలిందన్న కోపంతో ఏడుగురు యువకులు బస్సు డ్రైవర్ పై దాడికి పాల్పడిన సంఘటన మేడ్చల్ జిల్లా మేడిపల్లి పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం.. వరంగల్ నుంచి హైదరాబాద్ కు వస్తున్న బస్సు మేడిపల్లి మండలం చెంగిచర్ల వద్ద ఒక కారుకు తగలడంతో ఆగ్రహించిన ఏడుగురు యువకులు బస్సు డ్రైవర్ పై దాడి చేశారు. దీంతో బస్సులో ప్రయాణిస్తున్న ప్రయాణికులు 100 కాల్ చేసి పోలీసులకు సమాచారం ఇవ్వడంతో ఘటన స్థలానికి చేరుకున్న పోలీసులు కేసు నమోదు చేసి విచారణ చేపట్టారు.

దాడికి పాల్పడ్డ యువకులు హైదరాబాద్ కార్వాన్ ప్రాంతానికి చెందిన కొడిదెల సురేష్, పల్ల పవన్, పల్లపు రాజు, పల్లపు ప్రమోద్, సనిపాయ రవి, పల్లపు నవీన్, పల్లపు నవీన్ లుగా పోలీసులు గుర్తించారు. వెంటనే వారిని రాత్రికి రాత్రే పోలీసులు అదుపులోకి తీసుకొని దాడికి పాల్పడ్డా నిందితులపై, 392, 353, 332, ఐపీసీ సెక్షన్ల కింద కేసు నమోదు చేసి రిమాండ్ కు తరలించారు. డీసీపీ జానకి ధరవత్, ఏసీపీ నరేష్ రెడ్డి, డీఐ ప్రవీణ్ కుమార్, క్రైమ్ ఎస్ఐ లక్ష్మణ్ సిబ్బంది పాల్గొన్నారు,