పేయింగ్ గెస్ట్‌లుగా ఉంటూ.. లక్షలు కాజేసిన సీరియల్ హీరోయిన్స్
దిశ, వెబ్‌డెస్క్ : దొంగతనం కేసులో టీవీ సీరియల్ యాక్టర్స్ సురభీ సురేంద్ర లాల్ శ్రీవాస్తవ (25), మోసినా ముక్తార్ షేక్ (19)లను ముంబై పోలీసులు అరెస్ట్ చేశారు. వివరాల ప్రకారం.. ముంబై ఆరే కాలనీలో రాయల్ పామ్ ప్రాంతంలోని వారి బంధువుల ఇంట్లో వీరిద్దరూ.. పేయింగ్ గెస్ట్‌లుగా ఉంటున్నారు.
ఈ క్రమంలో వారి ఇంట్లో సురభీ, ముక్తార్ షేక్ దొంగతానానికి పాల్పడ్డారు. రూ. 3.28లక్షల రూపాయలు దొంగిలించినట్టు సీసీ టీవీ ఫుటేజీలో రికార్డు అవడంతో పోలీసులు వారిని అదుపులోకి తీసుకున్నారు. అనంతరం పోలీసులు తమదైన శైలిలో వారిని విచారించగా నిందితులు అసలు నిజం ఒప్పుకున్నారు. ఈ క్రమంలో నిందితుల వద్ద నుంచి పోలీసులు రూ. 50వేలను స్వాధీనం చేసుకున్నారు. అయితే వీరద్దరూ.. ఛత్రపతి రాజా శివాజీ, సావ‌ధాన్ ఇండియా, క్రైమ్ పెట్రోల్.. టీవీ సీరియల్స్‌లో నటిస్తున్నారు. కరోనా లాక్‌డౌన్ కారణంగా ఉపాధి కోల్పోడంతోనే వారు ఈ దొంగతనానికి పాల్పడినట్టు తెలుస్తోంది.
