నెలకు 120 మిలియన్ డోసుల కొవిషీల్డ్ ఉత్పత్తి

న్యూఢిల్లీ: కరోనా వ్యాక్సిన్ల ఉత్పత్తి సామర్థ్యం డిసెంబర్ వరకు మరింత పెరగనున్నట్టు కేంద్ర ఆరోగ్యమంత్రి మన్సుఖ్ మాండవీయ రాజ్యసభలో వెల్లడించారు. ప్రస్తుతం కొవిషీల్డ్ ఉత్పత్తి సామర్థ్యం నెలకు 110 మిలియన్ డోసులు ఉండగా, ఇది డిసెంబర్ కల్లా 120 మిలియన్ డోసులకు చేరనుందని తెలిపారు. అలాగే, కొవాగ్జిన్ ప్రొడక్షన్ కెపాసిటీ నెలకు 25 మిలియన్ డోసులుగా ఉండగా, మరో నాలుగు నెలలోపు 58 మిలియన్ డోసులకు పెరగనుందని వివరించారు.