ఆదర్శంగా అన్నం సేవా ఫౌండేషన్ సేవలు

దిశ, మధిర: ఖమ్మం జిల్లాలో ఓ యువకుడు(24) కరోనాతో మృతి చెందాడు. విషయం తెలుసుకున్న అన్నం సేవా ఫౌండేషన్ సభ్యులు ఖమ్మం నుంచి అంబులెన్స్‌లో మృతదేహాన్ని యువకుడి సొంత గ్రామం దేశినేనిపాలెంకు తీసుకెళ్లారు. ఖమ్మం గోల్డ్ క్లబ్ అధ్యక్షుడు అన్నం శ్రీనివాసరావు ఆధ్వర్యంలో అక్కడ ఉన్న హిందు స్మశానవాటికలో సంప్రదాయ పద్దతితో అంత్యక్రియలు జరిపించారు. జిల్లాలో ఎక్కడైనా అంత్యక్రియలు నిర్వహించలేని పరిస్థితుల్లో ఎవరైనా ఉంటే తమ బృందానికి తెలియజేస్తే తామే వచ్చి సంప్రదాయం ప్రకారం అంత్యక్రియల కార్యక్రమాన్ని నిర్వహిస్తామని శ్రీనివాసరావు తెలిపారు.