బ్రేకింగ్.. హుజురాబాద్ కాంగ్రెస్ పార్టీ స్టార్ క్యాంపెయినర్స్ వీరే
దిశ, డైనమిక్ బ్యూరో : హుజురాబాద్ ఉప ఎన్నిక కాంగ్రెస్ పార్టీ అభ్యర్థి బల్మూరి వెంకట్ తరఫున ప్రచారం చేసేందుకు ఏఐసీసీ స్టార్ క్యాంపెయినర్స్ ని నియమించింది. ఈ క్రమంలో 20 మంది స్టార్ క్యాంపెయినర్స్ జాబితాను శనివారం విడుదల చేసింది. ఇప్పటికే అధికార టీఆర్ఎస్, బీజేపీ పార్టీలు తమ తమ స్టార్ క్యాంపెయినర్స్‌ను ప్రకటించి, ప్రచారంలో దూసుకుపోతున్నారు. అయితే, తాజాగా కాంగ్రెస్ విడుదల చేసిన జాబితాతో కాంగ్రెస్ తమ శ్రేణులను సిద్ధం చేస్తోంది. స్టార్ క్యాంపెయినర్లుగా.. ఏఐసీసీ తెలంగాణ ఇంచార్జి మానిక్కం ఠాగూర్, టీపీసీసీ చీఫ్ రేవంత్ రెడ్డి, సీఎల్పీ నేత భట్టి విక్రమార్క, శ్రీనివాసన్ క్రిష్ణన్, ఎమ్మెల్సీ జీవన్ రెడ్డి, ఎమ్మెల్యే శ్రీధర్ బాబు, పొన్నం ప్రభాకర్, దామోదర రాజనర్సింహా, మధు యాష్కి గౌడ్, మహేశ్వర్ రెడ్డి, ఎంపీ ఉత్తమ్ కుమార్ రెడ్డి, ఎంపీ కోమటిరెడ్డి వెంకట్ రెడ్డి, హనుమంత్ రావు, పొన్నాల లక్ష్మయ్య, అజారుద్ధిన్, వర్కింగ్ ప్రెసిడెంట్ జగ్గారెడ్డి, మహమ్మద్ అలీ, ఎమ్మెల్యే సీతక్క, కవ్వంపల్లి సత్యనారాయణ, నాయిని రాజేందర్ రెడ్డిలు ఉన్నారు.
హుజురాబాద్ ఉప ఎన్నిక స్టార్ క్యాంపెయిన్ జాబితాను విడుదల చేసిన క్రమంలో గాంధీ భవన్ లో రేవంత్ రెడ్డి అధ్యక్షతన సమావేశం నిర్వహించారు. ఈ సమావేశంలో ఉప ఎన్నికలో గెలుపుకోసం చేపట్టే కార్యాక్రమాల ప్రణాళిక పై చర్చించారు.
