‘కాంగ్రెస్ పార్టీ ఆన్లైన్ సభ్యత్వ నమోదును విజయవతం చేయండి’

దిశ,యాచారం : కాంగ్రెస్ పార్టీ ఆన్లైన్ సభ్యత్వ నమోదు ప్రక్రియలో ప్రతి ఒక్కరు పాల్గొని విజయవంతం చేయాలని మండల కాంగ్రెస్ పార్టీ అధ్యక్షుడు మస్కు నరసింహ , ప్రధాన కార్యదర్శి వరికుప్పల సుధాకర్ అన్నారు. గురువారం నిర్వహించిన విలేకరుల సమావేశంలో అధ్యక్షడు, ప్రధానకార్యదర్శి వారిరువురూ మాట్లాడుతూ.. ఏఐసీసీ , టీపీసీసీ ఆదేశాల మేరకు నేడు (గురువారం) ఉదయం 10.గం లకు మండల కేంద్రంలో‌ని కాంగ్రెస్ పార్టీ కార్యాలయంలో పార్టీ ఆన్లైన్ సభ్యత్వ నమోదు ప్రక్రియ మొదలవుతుందని అన్నారు. ప్రతి ఒక్కరు ఈ కార్యక్రమంలో పాల్గొని విజయవంతం చేయాలని వారు కోరారు.

ఈ కార్యక్రమానికి ముఖ్యఅతిథిగా ఇబ్రహీంపట్నం నియోజకవర్గ ఇంచార్జి మల్ రెడ్డి రంగారెడ్డి, వీరితో పాటుగా డి.సి.సి.అధ్యక్షులు చల్లా నరసింహ రెడ్డి హాజరవుతారని తెలిపారు. మండల కాంగ్రెస్ పార్టీ ప్రజా ప్రతినిధులు , గ్రామాల కాంగ్రెస్ పార్టీ సర్పంచ్ , ఎంపీటీసీలు యూత్ కాంగ్రెస్ నాయకులూ ,పార్టీ కార్యకర్తలు ఈ సభ్యత్వ నమోదు కార్యక్రమాన్ని విజయవంతం చేయవలసిందిగా కోరారు. ఈ కార్యక్రమంలో డీసీసీ జనరల్ సెక్రటరీ గులాం అక్బర్, నాయకులు వెంకట్ రెడ్డి, రాజేందర్ నాయక్,శ్రీధర్ రెడ్డి, వెంకటేష్, మధు,తదితరులు హాజరయ్యారు.