బీజేపీలో చేరిన రాములమ్మ

దిశ, వెబ్‌డెస్క్: కాంగ్రెస్ సీనియర్ నేత, మాజీ ఎంపీ విజయశాంతి రాములమ్మ ఎట్టకేలకు బీజేపీలో చేరారు. సోమవారం ఢిల్లీలోని బీజేపీ కార్యాలయంలో పార్టీ జాతీయ ప్రధాన కార్యదర్శి అరుణ్‌ సింగ్‌ సమక్షంలో కాషాయ కండువా కప్పుకున్నారు. ఈ సందర్భంగా అరుణ్ సింగ్ విజయశాంతిని బీజేపీలోకి సాదరంగా ఆహ్వానించారు. ప్రస్తుతం తెలంగాణలో మంచి ఊపుమీద ఉన్న బీజేపీకి రాములమ్మ రాక కలిసొచ్చే అంశం కాగా, ఇప్పటికే అనేకమంది సీనియర్ పార్టీ దూరం అయిన కాంగ్రెస్‌కు కూడా విజయశాంతి రాజీనామా చేయడం మరికొంత నష్టం అని చెప్పుకోవచ్చు. అయితే గత రెండు నెలలుగా ఆమె బీజేపీలో చేరుతున్నారనే వార్తలు పెద్ద ఎత్తున వచ్చినా.. ఆమె ఒక్కసారి కూడా ఖండించకుండా తన పని తానుచేసుకుంటూ.. వెళ్లి చివరకు కాంగ్రెస్ పార్టీకి షాక్ ఇచ్చింది.