ఫ్లాష్.. ఫ్లాష్.. బండి సంజయ్ పర్యటనలో ఉద్రిక్తత.. బీజేపీ శ్రేణులపై రాళ్లదాడి..

దిశ, నల్లగొండ: బండి సంజయ్ నల్గొండ పర్యటన ఉద్రిక్తతకు దారితీసింది. నల్గొండ జిల్లా కేంద్రంలోని అర్జాలబావి వద్ద ఉన్న ఐకేపీ సెంటర్ ను పరిశీలించడానికి బీజేపీ రాష్ట్ర అధ్యక్షుడు బండి సంజయ్ సోమవారం మధ్యాహ్నం చేరుకున్నారు. అంతకు ముందే స్థానిక ఎమ్మెల్యే కంచర్ల భూపాల్ రెడ్డి ఐకేపీ సెంటర్ కు వచ్చి విలేకర్ల సమావేశం నిర్వహించి వెళ్లారు. బండి సంజయ్ ‌వస్తున్న విషయం తెలుసుకున్న టీఆర్ఎస్ నాయకులు ఆయనను అడ్డుకునేందుకు ‌ప్రయత్నించారు.

బీజేపీ శ్రేణుల పై రాళ్లు రువ్వారు. బండి సంజయ్ గోబ్యాక్ అంటూ నినాదాలు చేశారు. కర్రలతో దాడికి ప్రయత్నించారు. విషయం తెలుసుకున్న పోలీసులు హుటాహుటిన అక్కడికి చేసుకున్నారు. ఇరువర్గాలలో కొంతమంది కార్యకర్తలకు స్వల్ప గాయాలయ్యాయి. పోలీసులు వందల సంఖ్యలో మోహరించి, పరిస్థితిని అదుపులోకి తీసుకురావడానికి ప్రయత్నిస్తున్నారు.