అనంతారంలో లాక్‌డౌన్ అమలు తీరుపై కలెక్టర్ ఆరా

దిశ, నల్లగొండ: సూర్యాపేట జిల్లా పెన్‌పహాడ్ మండలం అనంతారం గ్రామంలో లాక్‌డౌన్ అమలు తీరును కలెక్టర్ వినయ్ కృష్ణారెడ్డి పరిశీలించారు. బుధవారం గ్రామంలో పర్యటించిన ఆయన అధికారులను పలు విషయాలను అడిగి తెలుసుకున్నారు. ఈ సందర్భంగా కలెక్టర్ మాట్లాడుతూ గ్రామంలో వైరస్ వ్యాప్తి చెందకుండా ఉండేందుకు నిబంధనలు కఠినంగా అమలు చేయాలన్నారు. ఇప్పటివరకు అధికారులు తీసుకున్ననిర్ణయాలు, చేపట్టిన పనుల గురించి వివరాలు సేకరించారు. రాష్ట్రంలో కరోనా కేసులు ఇప్పుడిప్పడే తగ్గుముఖం పడుతున్నందున ప్రజలు మరింత అప్రమత్తంగా ఉండాలని సూచించారు. అత్యవసరమైతే తప్ప ప్రజలెవరూ బయటకు రావొద్దని పిలుపునిచ్చారు. ఈ కార్యక్రమంలో కలెక్టర్ వెంట ఆర్డీఓ మోహన్ రావు, స్థానిక అధికారులు ఉన్నారు.

Tags: anantharam village, collecter vinay krishna reddy, nalgonda, lockdown rules check