నేను పందెం ‘కోడి’ని.. నన్నే చంపాలని చూస్తావా..
దిశ, వెబ్ డెస్క్ : సోషల్ మీడియాలో ప్రస్తుతం ఓ వీడియో చక్కర్లు కొడుతోంది. నెటిజన్లు ఈ వీడియో చూసి ఫన్నీగా కామెంట్స్ చేస్తున్నారు. ఇంతకీ ఏం జరిగిందో తెలుసుకోవాలి అనుకుంటున్నారా.. మామూలుగా మనం నివసిస్తున్న ప్రాంతాల్లో కోడిని చూస్తే.. కుక్కలు ఊరుకుంటాయా.. వెంట పడి మరీ చంపి తింటాయి కదా. ఈ కారణంగానే కుక్కలను చూడగానే కోళ్లు ప్రాణ భయంతో పరిగెత్తుతాయి.
ప్రాణాల మీదకు వస్తే.. పిల్లి కూడా పులిలా తిరగబడుతుంది అంటారు కదా.. ఈ వీడియోలో కోడి కూడా ఓ వీరోచిత పోరాటం చేసింది. కుక్కను ఎదిరించి మరీ.. తన ప్రాణాలను కాపాడుకుంది. ఒంటరి పోరాటం చేసి.. కుక్క భారీ నుండి తన ప్రాణాన్ని కాపాడుకుంది. కోడి పోరాటానికి నెటిజన్లు ఫిదా అవుతున్నారు. కోడి ఆత్మవిశ్వాసం, ధైర్య సాహసాలపై నెటిజన్లు ప్రశంసల వర్షం కురిపిస్తున్నారు.
ఈ వీడియోలో కుక్క కోడిపై దాడి చేయడానికి ప్రయత్నించగా.. కోడి కుక్కకు భయపడకుండా పోరాటం చేసింది. ఫైట్ మధ్యలో కోడి పని అయిపోయిందని అంతా అనుకున్నా.. కోడి మాత్రం తన పోరాటాన్ని కొనసాగించింది. దీంతో, కుక్క భయపడిందని అర్థం చేసుకున్న కోడి మరింతగా రెచ్చిపోయింది. కుక్కపైకి ఎగిరి రెక్కలతో దాడి చేస్తూ.. తరిమి తరిమి కొట్టింది. దీంతో, భయపడిపోయిన ఆ కుక్క అక్కడి నుంచి పారిపోయింది. అయినా, సరే కుక్కను వెంబడించి మరీ కోడి దాడి చేసింది.
