నేడు వైఎస్సార్ బీమా పథకం ప్రారంభం

దిశ, వెబ్‌డెస్క్: సీఎం వైఎస్ జగన్ వైఎస్సార్ బీమా పథకాన్ని ఇవాళ ప్రారంభించనున్నారు. దారిద్య్రరేఖకు కింద ఉన్న వారందరికీ ఈ పథకం వర్తించనుండగా.. బీమా తీసుకున్న వ్యక్తి ప్రమాదవశాత్తూ, సహజ మరణం పొందినా పరిహారం చెల్లిస్తారు. 18-50 ఏళ్లలోపు వారు సహజ మరణం పొందితే కుటుంబానికి రూ.లక్ష ఇస్తారు. ఇక 18-70 ఏళ్ల లోపు వారు సహజ మరణం లేదా ప్రమాదవశాత్తూ మరణించినా కుటుంబానికి రూ.5 లక్షల పరిహారం వస్తుంది. బీమా తీసుకున్న వ్యక్తి తరపున ప్రభుత్వమే ప్రీమియం చెల్లిస్తుంది. ఈ పథకానికి గ్రామ, వార్డు సచివాయల్లో అప్లై చేసుకోవచ్చని ప్రభుత్వం తెలిపింది. అర్హత వివరాలను సచివాలయాల్లోనే తెలుసుకోవ్చని స్పష్టం చేసింది.