Sreeleela కెరీర్ ఫామ్‌లో ఉండగా Samanthaలా రిస్క్ తీసుకొని చిక్కుల్లో పడనుందా..?
దిశ, వెబ్‌డెస్క్: స్టార్ హీరోల మోస్ట్ వాంటెడ్ హీరోయిన్ శ్రీలీల ‘పెళ్లి సందడి’ సినిమాతో ఇండస్ట్రీకి ఎంట్రీ ఇచ్చింది. అనతికాలంలోనే ప్రేక్షకుల్లో ఫుల్ పాపులారిటీ తెచ్చుకుని దూసుకుపోతుంది. ప్రస్తుతం ఈ అమ్మడు చేతిలో దాదాపు ఎనిమిది సినిమాలు ఉన్నట్లు సమాచారం. అవన్నీ అగ్ర హీరోల చిత్రాలే కావడం విశేషం.
తాజాగా, శ్రీలీల పుష్ప-2 చిత్రంలో ఐటెం సాంగ్‌లో దుమ్మురేపనుందని వార్తలు వస్తున్నాయి. గతంలో ‘పుష్ప’ చిత్రంలో సమంత చేసిన ‘ఊ అంటావా మావా’ పాట బాగా పాపులర్‌ అయింది. ఈ నేపథ్యంలో సీక్వెల్‌లో కూడా మాస్‌ ఐటెంసాంగ్‌ను పెట్టాలనే ఆలోచనలో చిత్రబృందం ఉన్నట్లు తెలుస్తోంది. శ్రీలీల డాన్స్‌‌కు ఫుల్ క్రేజ్ ఉంది. ఈ నేపథ్యంలో ఈ భామ అయితే స్పెషల్‌సాంగ్‌కు న్యాయం చేయగలదని దర్శకనిర్మాతలు భావిస్తున్నారని సమాచారం.
అల్లు అర్జున్‌ కథానాయకుడిగా సుకుమార్‌ దర్శకత్వంలో తెరకెక్కిస్తున్న ‘పుష్ప-2’ చిత్రం శరవేగంగా చిత్రీకరణ జరుపుకుంటుంది. అయితే సమంత కెరీర్ పీక్స్‌లో ఉన్నప్పుడు ‘పుష్ప’ లో ఐటెం సాంగ్ చేసిన తర్వాత పలు విమర్శలు ఎదుర్కోవడంతో పాటు సినీ జీవితంపై ప్రభావం పడిన సంగతి తెలిసిందే. దీంతో ఈ విషయం తెలిసిన నెటిజన్లు శ్రీ లీల కెరీర్ కూడా సమంతలా అయిపోతుందా అని అనుమానాలు వ్యక్తం చేస్తున్నారు.
Also Read: Samantha జీవితం అలాగే ఉంటుందంటూ రెండో పెళ్లిపై సంచలన నిజాలు బయటపెట్టిన Venu Swamy..!
