Vishnu:సైనికుల కుటుంబాల కోసం విష్ణు కీలక నిర్ణయం.. నువ్వు దేవుడివయ్యా అంటున్న నెటిజన్లు
దిశ, సినిమా: మోహన్ బాబు(Mohan Babu) విశ్వవిద్యాలయం ప్రో-ఛాన్సలర్ శ్రీ విష్ణు మంచు(Vishnu Manchu) గణతంత్ర దినోత్సవం సందర్భంగా సాయుధ బలగాల త్యాగాలను గౌరవించే లక్ష్యంతో ఒక ముఖ్యమైన కార్యక్రమాన్ని చేపట్టినట్లు గా ప్రకటించారు. త్రివిధ దళాల్లో పని చేస్తున్న తెలుగు వారిని గౌరవించుకునేందుకు, వారి పిల్లలకు 50% స్కాలర్‌షిప్‌ను అందించబోతున్నట్టుగా విష్ణు వెల్లడించారు. ఈ కార్యక్రమం ఆంధ్రప్రదేశ్(Andhra Pradesh), తెలంగాణ(Telangana)లకు మాత్రమే పరిమితం కాకుండా భారతదేశంలోని అన్ని తెలుగు కుటుంబాలకు వర్తించనుందని తెలుస్తోంది. మోహన్ బాబు విశ్వవిద్యాలయంలో అందించే అన్ని కోర్సులకు ఈ స్కాలర్‌షిప్‌(Scholarship)లను అందించనున్నారు.
ఈ కార్యక్రమంలో శ్రీ విష్ణు మంచు మాట్లాడుతూ.. “మన దేశాన్ని రక్షించడానికి సైనికులు ఎన్నో త్యాగాలు చేస్తారు. వారి సేవలకు గౌరవసూచికంగా, వారికి కృతజ్ఞతలు తెలియజేసే క్రమంలో ఈ కార్యక్రమాన్ని చేపట్టాను. దేశానికి నిస్వార్ధంగా సేవ చేసే వారి సంక్షేమానికి తోడ్పడాలని నిర్ణయించుకున్నాను. ఇతర విశ్వవిద్యాలయాలు, సంస్థలకు మా నిర్ణయం స్ఫూర్తినిస్తుందని ఆశిస్తున్నా’’ అని అన్నారు. ఇక ఈ విషయం తెలుసుకున్న నెటిజన్లు దేవుడు అని కామెంట్స్ చేస్తున్నారు. కాగా, తిరుపతి(Tirupati)లో 120 మంది అనాథ పిల్లలను విష్ణు మంచు దత్తత తీసుకున్నారు. వారందరికీ మెరుగైన విద్య, వైద్యం అందేలా విష్ణు మంచు అన్ని ఏర్పాట్లను చేశారు.
