బేబీ హీరోయిన్‌కి కోటి రూపాయల చెక్ పంపిన సమంత..!
దిశ, వెబ్‌డెస్క్: టాలీవుడ్ స్టార్ హీరోయిన్ సమంత గత కొద్ది రోజుల నుంచి సినిమాలకు బ్రేక్ ఇచ్చిన సంగతి తెలిసిందే. మయోసైటీస్ వ్యాధికి ట్రీట్‌మెంట్ తీసుకుంటూ ఇంట్లోనే ఉంటుంది. అయితే సమంత సోషల్ మీడియాలో యాక్టీవ్‌గా ఉంటూ పలు విషయాలపై స్పందిస్తుంది. ఇక సమంత సినిమాల్లో నటించదని పలు వార్తలు వైరల్ అయ్యాయి. ఈ క్రమంలో ఆమె నిర్మాణ రంగంలోకి అడుగు పెట్టారు. సామ్ నిర్మాతగా ట్రాలాల అనే నిర్మాణ సంస్థను ప్రారంభించారు ఈ నిర్మాణ సంస్థ ద్వారా కొత్తవారికి అవకాశం కల్పించబోతున్నట్లు ఇన్‌స్టా వేదికగా తెలియజేశారు. దీంతో సమంత ఫ్యాన్స్ ఫుల్ ఖుషీ అయ్యారు.
తాజాగా, బేబీ హీరోయిన్ వైష్ణవి చైతన్యకు కోటి రూపాయల చెక్ పంపినట్లు టాక్ నడుస్తోంది. బేబీ సినిమా ఎంతో మంచి సక్సెస్ అందుకుంది. ఈ సినిమా తర్వాత ఆమె విజయ్ దేవరకొండతో మరో సినిమాలో నటించబోతున్నారు. ఇవి తప్ప వైష్ణవి చైతన్యకు పెద్దగా అవకాశాలు లేవు ఎంతో టాలెంట్ ఉండి అవకాశాలు లేనటువంటి వైష్ణవి చైతన్యకు సమంత తన నిర్మాణ సంస్థలో అవకాశం కల్పించబోతున్నారని, అందుకు ముందుగానే వైష్ణవి చైతన్యకు ఏకంగా కోటి రూపాయలు పంపించారని తెలుస్తోంది. ఇందులో నిజమెంత అనేది తెలియదు కానీ సమంత చేసిన పనికి నెటిజన్లు ప్రశంసలు కురిపిస్తున్నారు. టాలెంట్‌ను గుర్తించి అవకాశాలు లేనివారికి ఆఫర్లు ఇవ్వడం చాలా గొప్ప అని చర్చించుకుంటున్నారు.
