చాలా మిస్ అవుతున్నా అంటూ రష్మిక మందన్న ఎమోషనల్ పోస్ట్.. ఎవరిగురించంటే..?

దిశ, సినిమా: స్టార్ హీరోయిన్ రష్మిక మందన్న(Rashmika Mandanna) గురించి స్పెషల్‌గా చెప్పనక్కర్లేదు. ‘ఛలో’(Chalo) సినిమాతో ఇండస్ట్రీకి ఎంట్రీ ఇచ్చిన ఈ భామ.. తన ఫస్ట్ మూవీతోనే నేషనల్ క్రష్ అయిపోయింది. ఆ తర్వాత ఎన్నో బ్లాక్ బస్టర్ చిత్రాల్లో నటించి తనకంటూ స్పెషల్ గుర్తింపు తెచ్చుకుంది. ఇక సుకుమార్(Sukumar) డైరెక్షన్‌లో వచ్చిన ‘పుష్ప’(Pushpa) మూవీతో ఏకంగా స్టార్ హీరోయిన్‌గా మారిపోయింది. అయితే రీసెంట్‌గా ఈ సినిమాకి సీక్వెల్‌గా ‘పుష్ప2’(Pushpa-2) వచ్చిన సంగతి తెలిసిందే. అల్లు అర్జున్(Allu Arjun) హీరోగా నటించిన ఈ చిత్రంలో రష్మిక కూడా తన నటనతో ప్రేక్షకులను మంత్ర ముగ్ధులను చేసింది.

అలాగే తన అందం, అభినయంతో అందరినీ కట్టిపడేసింది. డిసెంబర్ 5న రిలీజ్ అయిన ఈ మూవీ బాక్సాఫీస్ వద్ద కలెక్షన్ల సునామీ సృష్టించడమే కాకుండా ఎన్నో రికార్డులను తిరగరాసింది. దీంతో ఈ భామకు ఎడతెరిపి లేకుండా ఆఫర్స్ తలుపు తడుతున్నాయి. ప్రస్తుతం ఈ బ్యూటీ ‘ఛావా’(Chhaava), ‘రెయిన్ బో’(Rainbow), ‘ది గర్ల్ ఫ్రెండ్’(The Girlfriend), విజయ్ దేవరకొండ(Vijay Devarakonda)తో ‘VD-14’, ‘సికిందర్’(Sikander) వంటి భారీ బడ్జెట్ సినిమాల్లో నటిస్తోంది. ఇక ఈ భామ వ్యక్తిగత విషయానికి వస్తే.. కెరీర్ స్టార్టింగ్‌లోనే ఓ వ్యక్తితో ఎంగేజ్‌మెంట్ చేసుకున్న ఈ బ్యూటీ కొన్ని రోజులకే క్యాన్సల్ చేసుకుంది. ఆ తర్వాత రౌడీ హీరో విజయ్ దేవరకొండ సరసన కొన్ని సినిమాల్లో నటించి అతనితో ప్రేమలో పడింది.

ప్రస్తుతం వీరిద్దరూ డేటింగ్‌లో ఉన్నారనే పుకార్లు ఎప్పటినుంచి సోషల్ మీడియాలో చక్కర్లు కొడుతున్నాయి. అంతేకాకుండా వీరిద్దరు కలిసి వేకేషన్స్‌కి వెళ్ళడం, విజయ్ ఇంటికి రష్మిక వెళ్లడం వంటి పలు ఫొటోలు, వీడియోలు బయటకు వచ్చాయి. కానీ, ఈ రిలేషన్‌పై వారు ఇప్పటివరకు స్పందించలేదు. మరి ముందు ముందు అయినా స్పందిస్తారా లేదా చూడాలి. ఇదిలా ఉంటే.. రష్మిక నిత్యం సోషల్ మీడియాలో యాక్టీవ్‌గా ఉంటూ లేటెస్ట్ ఫొటోస్‌, వ్యక్తిగత విషయాలను షేర్ చేస్తూ అభిమానులకు దగ్గరవుతూ ఉంటుంది.

అయితే రీసెంట్‌గా ఈ బ్యూటీకి జిమ్‌లో దెబ్బతగలడం వల్ల నడవలేని సిట్యూవేషన్‌లో ఉన్నానని ఇన్‌స్టా వేదికగా వెల్లడించిన ఈ సంగతి తెలిసిందే. ఈ క్రమంలో భామ పోస్ట్ నెట్టింట వైరల్ అవుతోంది. తాజాగా రష్మిక తన ఇన్‌స్టా వేదికగా ఓ స్టోరీ పెట్టింది. అందులో కుక్క పిల్ల వీడియోని షేర్ చేస్తూ.. ‘మేజర్‌గా నేను దీన్ని చాలా మిస్ అవుతున్నాను’ అనే క్యాప్షన్ జోడించింది. దీంతో ఈ స్టోరీ కాస్తా నెట్టింట వైరల్‌గా మారింది. ఇక దీన్ని చూసిన నెటిజన్లు హెల్త్ ఎలా ఉందంటూ కామెంట్స్ చేస్తున్నారు.