ఆ బ్యానర్‌ను నమ్మి మూడుసార్లు మోసపోయిన ప్రభాస్.. జాగ్రత్తగా ఉండమంటున్న ఫ్యాన్స్?
దిశ, వెబ్ డెస్క్: టాలీవుడ్ స్టార్ హీరో ప్రభాస్ ‘బాహుబలి’ సినిమాతో ప్రపంచ వ్యాప్తంగా ఫుల్ క్రేజ్‌ను సంపాదించుకున్నాడు. అంతేకాకుండా పాన్ ఇండియా స్టార్‌గా గుర్తింపును తెచ్చుకున్నాడు. ఆ తర్వాత నటించిన సాహో, రాధేశ్యామ్ ఆశించినంత విజయం రాలేదు. ప్రస్తుతం ప్రభాస్ రాముడిగా నటించిన సినిమా ‘ఆదిపురుష్’. ఈ మూవీకి కూడా పెద్దగా కలెక్షన్లు రావడం లేదని తెలుస్తోంది. అయితే ప్రభాస్ ఈ మూడు చిత్రాలను టీసిరీస్ బ్యానర్‌ జోక్యం చేసుకోవడం గమనార్హం. ప్రభాస్ భవిష్యత్తు ప్రాజెక్ట్‌లలో కొన్ని ప్రాజెక్ట్‌లను కూడా టీ సిరీస్ నిర్మిస్తోందని తెలుస్తోంది. దీంతో అది తెలిసిన ఫ్యాన్స్ ఈ బ్యానర్‌‌కు దూరంగా ఉండమని హెచ్చరిస్తున్నారట. ఎందుకంటే సాహో, రాధేశ్యామ్ పెద్దగా హిట్ అందుకోలేదు. జూన్ 16న విడుదలై ‘ఆదిపురుష్’ కూడా అంతంత మాత్రంగానే ఉండటంతో అభిమానులు ఇలా అంటున్నట్లు తెలుస్తోంది. అలాగే ఈ మూవీ పలు వివాదాలను ఎదుర్కొంటుంది. ప్రభాస్ మారుతున్న ప్రేక్షకుల అభిరుచిని దృష్టిలో ఉంచుకుంటే కెరీర్ పరంగా బాగుంటుందని కొంతమంది అభిప్రాయం వ్యక్తం చేస్తున్నారు. ప్రభాస్ వరుస విజయాలు సాధించాలని ఫ్యాన్స్ కోరుకుంటున్నారు. ప్రస్తుతం డార్లింగ్ ఫ్యాన్స్‌కు సలార్, ప్రాజెక్ట్ కె సినిమాలపై భారీ అంచనాలు ఉన్నాయి.
Also Read..
డార్లింగ్ అభిమానులకు గుడ్ న్యూస్.. ‘సలార్’ రిలీజ్ డేట్ ఫిక్స్
