భారీగా రెమ్యునరేషన్ పెంచిన ప్రభాస్.. ఇండియాలో టాప్.. ఎన్ని కోట్లు తీసుకుంటున్నాడంటే?

దిశ, సినిమా: పాన్ ఇండియా స్టార్ ప్రభాస్ ప్రస్తుతం వరుస సినిమాలు చేస్తూ ఫుల్ బిజీ అయిపోయాడు. అయితే ప్రభాస్ హీరోగా, నాగ్ అశ్విన్ దర్శకత్వంలో తెరకెక్కుతున్న ‘కల్కి 2898ఏడి’ షూటింగ్ శరవేగంగా జరుగుతోంది. జూన్ 27న థియేటర్స్‌లో విడుదల కాబోతుండటంతో అంతా అతృతగా ఎదురుచూస్తున్నారు. అలాగే రాజా సాబ్, సలార్-2, కన్నప్ప వంటి సినిమాల్లో ప్రభాస్ నటిస్తున్నాడు. హను రాఘవపూడి డైరెక్షన్‌లో కూడా ఓ చిత్రం చేయబోతున్నాడు.

ఇదిలా ఉంటే.. తాజాగా, డార్లింగ్‌కు సంబంధించిన ఓ వార్త నెట్టింట వైరల్ అవుతోంది. ఇంతవరకు రూ. 150 కోట్ల రెమ్యునరేషన్ తీసుకున్న ప్రభాస్.. ఇక నుంచి రూ. 250 కోట్లు తీసుకుంటున్నాడని టాక్. హను రాఘవపూడి సినిమాకు ఈ పారితోషికం అందుకోనున్నట్లు తెలుస్తోంది. లాభాలను బట్టి ప్రభాస్‌కు ఉన్న ఫాలోయింగ్‌ను దృష్టిలో పెట్టుకుని నిర్మాతలు కూడా అంత రెమ్యునరేషన్ ఇవ్వడానికి ఒప్పుకున్నారట. అయితే అన్ని కోట్లు ఇండియాలోనే ఇప్పటివరకు ఎవరు తీసుకోలేనట్లు తెలుస్తోంది. ఇందులో నిజమెంత అనేది తెలియనప్పటికీ ఈ విషయం తెలిసిన వారంతా షాక్ అవుతున్నారు.