NTR: జీవితం అన్నిటికంటే విలువైనది జాగ్రత్తగా ఉండండి.. ఎన్టీఆర్ కీలక వ్యాఖ్యలు (వీడియో)
దిశ, సినిమా: తెలంగాణ ప్రభుత్వం చేపట్టిన డ్రగ్స్ రహిత సమాజం కోసం సినీ సెలబ్రిటీలు ముందుకొస్తున్నారు. తమ వంతుగా ప్రచారం చెస్తూ యూత్‌ను ఆలోచింపచేస్తున్నారు. ఇప్పటికే మాదక ద్రవ్యాల వ్యతిరేక అవగాహన కార్యక్రమంలో భాగంగా ప్రభాస్(Prabhas), చిరంజీవి, అడవి శేష్ పలు కామెంట్స్ చేసిన విషయం తెలిసిందే. వీరితో పాటు పలువురు హీరోయిన్స్ కూడా ఈ కార్యక్రమంలో భాగమయ్యారు. ఈ మేరకు డ్రగ్స్‌కు దూరంగా ఉండాలని యూత్‌కు విజ్ఞప్తి చేశారు. తాజాగా, ఎన్టీఆర్(NTR) కూడా కీలక డ్రగ్స్ రహిత్ సమాజం కోసం యూత్ నాతో చేతులు కలపాలని కీలక వ్యాఖ్యలు చేశాడు.
‘‘మన దేశ భవిష్యత్తు మన చేతిల్లోనే ఉంది. కానీ కొంతమంది అవన్నీ పట్టించుకోకుండా తాత్కాలిక ఆనందాల కోసం, క్షణికమైన ఒత్తిడి నుండి బయటపడటం కోసం మాదక ద్రవ్యాల బారిన పడుతున్నారు. ఇది సహచరుల ప్రభావం వల్లనో, స్టైయిల్ అనో డ్రగ్స్‌కి ఆకర్షితులు కావడం చాలా బాధాకరం. జీవితం అన్నింటికంటే చాలా విలువైనది. రండి నాతో చేతులు కలపండి. డ్రగ్స్ రహిత సమాజమే లక్ష్యంగా కొనసాగుతున్న తెలంగాణ ప్రభుత్వం సంకల్పంలో భాగస్వాములు అవ్వండి. మీకు తెలిసి ఎవరైనా డ్రగ్స్ అమ్మడం లేదా కొనడం వంటివి చేసి వెంటనే తెలంగాణ నార్కోటిక్స్ బ్యూరో ఫోన్ నెంబర్ 8712671111కు కాల్ చేసి సమాచారం అందించండి. అందురూ జాగ్రత్తగా ఉండండి’’ అని చెప్పుకొచ్చారు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ అవుతోంది.
"Say No to Drugs" message by #JrNTR for #Telangana govt's campaign against narcotics use and for rehabilitation of addicts.#NTR #RevanthReddy pic.twitter.com/1VmE21wJ6r
— Ramesh Pammy (@rameshpammy) January 2, 2025
