నేను వోడ్కా ప్రమోట్ చేస్తా.. బెట్టింగ్స్ కాదు : RGV
దిశ, వెబ్ డెస్క్ : తెలుగు రాష్ట్రాల్లో బెట్టింగ్ యాప్స్ ప్రమోషన్ వివాదం(Betting Apps Pramotion Issue) సంచలనంగా మారింది. ఈ విషయంలో కొంతమంది తెలుగు సినిమా స్టార్లు, యూట్యూబర్లు, ఇన్‌ఫ్లుయెన్సర్లపై కేసులు నమోదయ్యాయి. ఈ నేపథ్యంలో వివాదాస్పద డైరెక్టర్ ఆర్జీవీ(RGV) తన స్టైల్‌లో స్పందించారు. ఆర్జీవీ నిర్మాణంలో వస్తున్న కొత్త సినిమా ‘శారీ’(SAAREE). నిజ జీవిత సంఘటనల ఆధారంగా తెరకెక్కుతున్న ఈ సినిమాలో ఆరాధ్య దేవి హీరోయిన్‌గా నటిస్తున్నారు. వర్మ కథ రాయగా, గిరి కృష్ణకమల్ దర్శకత్వం వహించారు. రవి వర్మ నిర్మాతగా ఆర్వీ ప్రొడక్షన్స్‌లో ఈ సినిమా రూపొందుతోంది. తెలుగు, హిందీ, తమిళం, మలయాళ భాషల్లో ఏప్రిల్ 4న ఈ చిత్రం విడుదల కానుంది.
ఈ సినిమా ప్రమోషన్ కార్యక్రమంలో ఆర్జీవీ బెట్టింగ్ యాప్స్ గురించి మాట్లాడుతూ.. "నాకు బెట్టింగ్ యాప్స్ గురించి తెలియదు. నేను ఎప్పుడూ యాడ్స్‌లో నటించలేదు, సోషల్ మీడియాలో ప్రమోషన్స్ కూడా చేయలేదు. ఒకవేళ ప్రమోట్ చేయాలంటే వోడ్కాను(Vodka Pramotion) చేస్తాను, బెట్టింగ్ యాప్స్‌ను కాదు. ఏవి లీగల్, ఏవి కాదో సామాన్యులకు తెలియదు. ప్రభుత్వం దీనిపై అవగాహన కల్పించాలి. స్టార్లు బెట్టింగ్ యాప్స్ కాకుండా వేరే బ్రాండ్స్ కూడా ప్రమోట్ చేస్తారు. అవి లీగల్ అని ఎలా తెలుస్తుంది? ఒక్కసారిగా ఇది నేరమని చెప్పడం కంటే ఏవి నేరాలో ముందు ప్రభుత్వం స్పష్టత ఇవ్వాలి" అని చెప్పారు.
