మెగా ప్లాన్ చేస్తున్న సుకుమార్..??

దిశ, వెబ్‌డెస్క్: పుష్ప భారీ హిట్ తర్వాత సుక్కు పాన్ ఇండియా హోదా అందుకున్నాడు. ఈ సినిమాతో దేశవ్యాప్తంగా సుకుమార్ భారీ ఫాలోయింగ్ అందుకున్నాడు. దీంతో సుక్కుతో సినిమా చేసేందుకు స్టార్ హీరోలంతా క్యూ కడుతున్నారు. అయితే ఇప్పటి వరకు సుక్కు నెక్స్ట్ మూవీపై ఇప్పటి వరకు క్లారిటీ ఇవ్వలేదు. తాజాగా సుక్కు నెక్స్ట్‌కు సంబంధించి వార్తలు నెట్టింట తెగ వైరల్ అవుతున్నాయి. సుకుమార్ తన తదుపరి సినిమా విషయంలో మెగా ప్లాన్ చేస్తున్నాడని, మెగా స్టార్ చిరుతో తన నెక్స్ట్ మూవీని ప్లాన్ చేస్తున్నాడంటూ టాక్ నడుస్తోంది.

చిరు తన తదుపరి సినిమాను ప్రతిష్టాత్మకంగా తెరకెక్కించాలని ఫిక్స్ అయ్యాడట. అందుకోసం సుకుమార్‌ను ఎంచుకున్నాడని, ఇందుకోసం సుక్కు కూడా పక్కజెండా ఊపేశాడని టాక్ నడుస్తోంది. వీరి కాంబో కోసం వీరిద్దరు చాలా కాలం నుంచి ప్లాన్ చేస్తున్నారని, అందుకోసమే ఈ మూవీకి ఓకే చేసుకున్నారని వార్తలు వస్తున్నాయి. కానీ దీనికి సంబంధించిన అధికారిక ప్రకటన రాలేదు. త్వరలో ఏమైనా క్లారిటీ వస్తుందేమో చూడాలి.