ఆ హీరో నా ప్రైవేట్ పార్ట్స్‌పై దాడి చేశాడు.. స్టార్ సింగర్
దిశ, సినిమా: ప్రముఖ హాలీవుడ్ సీనియర్ యాక్టర్ క్రిస్ నోత్ ప్రస్తుతం లైంగిక వేధింపుల ఆరోపణలు ఎదుర్కొంటున్నాడు. ‘సెక్స్ అండ్ ది సిటీ’ సిరీస్ ద్వారా మంచిపేరు సంపాదించిన క్రిస్.. తనను రేప్ చేయడానికి ప్రయత్నించాడని స్టార్ సింగర్ లిసా జెంటిట్ ఇటీవల ఓ ఇంటర్వ్యూలో వెల్లడించింది. ఈ ఘటన 2002లో జరిగిందని.. కానీ ఈ విషయాన్ని బయటపెడితే తన కెరీర్ నాశనం చేస్తానని క్రిస్ బెదిరించినట్లు ఆరోపించింది.
ఇక తాజాగా ఆమె న్యాయవాది గ్లోరియాతో కలిసి క్రిస్‌పై ఫిర్యాదు చేసిన లిసా.. ‘ఓ రోజు క్రిస్ నా అపార్ట్‌మెంట్ వరకు నన్ను అనుసరిస్తూ వచ్చాడు. నేను నా రూమ్ దగ్గరలోకి చేరుకోగానే వేగంగా పరిగెత్తుకొచ్చి నన్ను బలవంతంగా తాకడానికి ప్రయత్నించాడు. నేను తప్పించుకోవడానికి ట్రై చేసినా.. అతను మరింత బలంగా నా వక్షోజాలను గట్టిగా నొక్కిపట్టడం వల్ల ఎటూ కదల్లేకపోయాను. తర్వాత నా చొక్కా చించివేయడానికి ప్రయత్నించిన క్రిస్.. తన ప్రైవేట్ పార్ట్స్ దగ్గరకు నా మోహాన్ని నెట్టాడు. దీంతో నేను ఇది నాకు ఇష్టంలేదని, వద్దని గట్టిగా అరవడంతో ఆటపట్టిస్తున్నట్లు యాక్టింగ్ చేశాడు’ అని తన కంప్లైంట్‌లో పేర్కొంది. అయితే క్రిస్‌పై లైంగిక వేధింపుల ఆరోపణలు రావడం ఇదే మొదటిసారి కాదు. గతంలో ఇద్దరు మహిళలు కూడా ఆరోపణలు చేయడం విశేషం.
