ప్రమాణానికి చంద్రబాబు సిద్ధమా? డిప్యూటీ సీఎం సవాల్

దిశ, ఏపీ బ్యూరో: టీడీపీ అధినేత చంద్రబాబుకు ఏపీ డిప్యూటీ సీఎం కే. నారాయణ స్వామి మరో సవాల్ విసిరారు. తనపై వస్తున్న అవినీతి ఆరోపణలను నిరూపిస్తే వెంటనే రాజీనామా చేస్తానని తెగేసి చెప్పారు. సమితి అధ్యక్షుడి నుంచి ఉప ముఖ్యమంత్రి హోదా వరకు నిజాయితీగా పనిచేశానని చెప్పుకొచ్చారు. డిప్యూటీ సీఎంగా కృష్టాపురం, ఎన్టీఆర్ జలాశయాలు అభివృద్ధి చేయాలని సీఎం జగన్‌ను కోరినట్లు వెల్లడించారు.

జలాశయాల అభివృద్ధికి ముఖ్యమంత్రి హామీ ఇచ్చారనీ..కుప్పం అభివృద్ధి చేస్తున్న ఘనత జగన్ అన్నదేనని డిప్యూటీ సీఎం చెప్పారు. ఈ విషయం వాస్తవమో కాదో చంద్రబాబు కుప్పం ప్రజలనే అడగాలని తెలిపారు. తనపై కావాలనే అవినీతి ఆరోపణలు చేస్తున్నారని ధ్వజమెత్తారు. అవినీతి చేయలేదని తాను కాణిపాకంలో సత్య ప్రయాణం చేయడానికి సిద్ధమని అన్నారు. చంద్రబాబు సిద్ధమా అంటూ డిప్యూటీ సీఎం నారాయణ స్వామి సవాల్ విసిరారు. తన పై వచ్చిన ఆరోపణలపై కావాలంటే సీబీఐతో దర్యాప్తు చేయించుకోవచ్చని డిప్యూటీ సీఎం స్పష్టం చేశారు.