సిరివెన్నెల మృతి పట్ల ప్రముఖులు సంతాపం

దిశ, వెబ్‌డెస్క్: సిరివెన్నెల మృతి పట్ల పలువురు సినీ, రాజకీయ ప్రముఖులు సంతాపం ప్రకటించారు. సినీ నటుడు ప్రకాశ్ రాజ్, మ్యూజిక్ డైరెక్టర్ థమన్, డైరెక్టర్ అనిల్ రావిపూడి సంతాపం ప్రకటించారు. సిరివెన్నెల లేనిలోటు పూడ్చలేనిదని, ఆయన సాహిత్యం కొత్త కోణాలను ఆవిష్కరించిందని ప్రకాశ్ రాజ్ అన్నారు. సిరివెన్నెల అత్యుత్తమ గురువు అని వ్యాఖ్యానించారు.

అలాగే సిరివెన్నెల మృతిపై సీఎం జగన్ సంతాపం ప్రకటించారు. ‘ఆయన మరణం తెలుగువారికి తీరని లోటు. తెలుగు సినీ గేయ ప్రపంచంలో సిరివెన్నెల విలువల శిఖరం. ఆయన ఆత్మకు శాంతి కలగాలని కోరుకుంటున్నాను. ఆయన కుటుంబ సభ్యులకు నా ప్రగాఢ సానుభూతి తెలియజేస్తున్నా’ అని జగన్ పేర్కొన్నారు.