ఆగస్టు 15 సమీపిస్తున్న వేళ ఎర్రకోట వద్ద డ్రోన్ కలకలం..

దిశ, వెబ్‌డెస్క్ : దేశంలో ప్రతీ రోజు ఏదో ఒక చోట డ్రోన్ల సంచారం కలకలం సృష్టిస్తూనే ఉంది. తాజాగా దేశ రాజధానిలో ఎర్రకోట వెనుక ఉన్న విజయ్ ఘాట్ సమీపంలో చక్కర్లు కొడుతున్న ఓ డ్రోన్​ను ఢిల్లీ పోలీసులు స్వాధీనం చేసుకున్నారు. వివరాల ప్రకారం.. జాగ్వర్ హైవే గస్తీ బృందం విధుల్లో ఉండగా అక్కడ ఓ డ్రోన్ ఎగరడం కనిపించిందని చెప్పారు.

అయితే, వెబ్​సిరీస్‌ను చిత్రీకరిస్తున్న ఓ చిత్రబృందం ఈ డ్రోన్‌ను వినియోగిస్తున్నట్లు వారికి తెలిసింది. ఆ ప్రాంతంలో డైరెక్ట్ షూటింగ్‌కు మాత్రమే అనుమతి ఉండగా.. డ్రోన్ వాడకానికి వారికి అనుమతి లేదని తెలిపారు. ఈ క్రమంలో డ్రోన్ ఘటనపై కేసు నమోదు చేసినట్లు చెప్పారు. స్వాతంత్య్ర దినోత్సవం సమీపిస్తున్న తరుణంలో ఢిల్లీలో డ్రోన్లను నిషేధిస్తూ జూలైలో ఉత్తర్వులు జారీ అయ్యాయి.