Jio స్వాతంత్ర దినోత్సవ ప్రత్యేక ఆఫర్: ఒక్క రీచార్జ్‌తో రెండు(2 in 1) ప్లాన్స్
దిశ, వెబ్‌డెస్క్: దిగ్గజ టెలికాం సంస్థ రిలయన్స్ జియో 75వ స్వాతంత్ర దినోత్సవం సందర్భంగా వినియోగదారుల కోసం కొత్త ప్లాన్‌ను తీసుకొచ్చింది. ఒక్క రీచార్జ్‌తో రెండు ప్లాన్స్ అందించే సరికొత్త రీచార్జ్ ప్లాన్‌ను తెచ్చింది. రూ.750 ధరతో రెండు ప్లాన్స్ అందిస్తుంది. మొదటిది రూ. 749. రెండోది రూ. 1 ప్లాన్. కానీ మొత్తం రీచార్జ్ రూ.750 తో చేసుకోవాలి. అప్పుడే ఈ ఆఫర్ వర్తిస్తుంది. కొత్త జియో రూ. 750 ప్రీపెయిడ్ రీచార్జ్ ప్లాన్ వినియోగదారులకు 2GB రోజువారీ డేటా, 90 రోజుల పాటు అపరిమిత కాలింగ్, SMS ప్రయోజనాలను అందిస్తుంది. అయితే దీంట్లోనే మరో రూ. 1 ప్లాన్‌తో ప్రతీ రోజు 100ఎంబీ డేటా అదనంగా అందిస్తున్నట్టు కంపెనీ పేర్కొంది. రోజువారీ 2GB డేటా అయిపోయినట్లయితే నెట్ స్పీడ్ 64kbps కి తగ్గుతుంది. ఈ ప్లాన్‌తో జియో టీవీ, జియో సినిమా, జియో సెక్యూరిటీ, జియో క్లౌడ్ యాప్స్‌ను ఉచితంగా పొందవచ్చు. గమనిక మొత్తం రూ. 750 తో రీచార్జ్ చేసుకుంటేనే ఈ రెండు ప్లాన్స్ వర్తిస్తాయి.
